İstidatlı genç yırcı, küçlü ses saibi, «Tatlı ses» yarışınıñ ğalibi Safiye Denişayeva qırımtatar halq yırlarını ustalıqnen icra etüvinen seyircilerniñ sevgisini qazandı. Muzıkağa sevgini oña ana-babası aşladı. Olarnıñ sayesinde yırcı halq avalarını icra etüv inceliklerini menimsedi. Yırcını baş maqsadı qırımtatar halq yırlarını olğanı kibi saqlap qalmaqtır.
