1990-ıncı s. aspirantura talebesi Ruslan Mecitov künlerden birinde immunologiyanen bağlı amerikan professorı Çarlz Ceynueynıñ maqalesini oqudı. Yaş alim yazılğan fikirlernen meraqlandı ve müellifnen beraber çalışmaq içün elinden kelgenini yaptı. Bir kaç yıldan soñ Mecitov ve Ceynuey beraber insannıñ vucudında mahsus retseptornıñ olğanını tasdiqlap, immunitet qorçalavnıñ yañı çeşitini taptılar. Künümizde, o, doğma immunitet olaraq belli.
Ruslan Mecitov – dünyanıñ eñ belli immunologlardan biri
