Ranetta Gafarova zenaatını saylağanda, bitasınıñ ocalıq aqqında sözlerini hatırlay edi. Bitası bu zenaat em minnetdar, em alicenap zenaat olğanını ayta edi. Ranetta oca Qırım müendislik ve pedagogika universitetiniñ temelinde turğanlardan biridir, şu oquv yurtta, o, 20 yıl devamında faaliyet kösterdi. Şimdi ise, o, Ardahan şeerindeki universitette çalışa, aynı zamanda, Türkiye ve bütün dünyanı qırımtatarlarnıñ tarihı ve medeniyetinen tanış ete.
