Er yılı avgust ayında Qarasuvbazar civarındaki Qatırşa Saray köyünde doğma şu köy sakinleri ve olarnıñ balaları toplaşalar. Adeti üzre köydeşlerniñ körüşüvi sürgünlik qurbanlarına qoyulğan hatıra taşı yanında duadan başlana. Tedbirge kelgenler torunlarına köyni köstere, tarihını añlatalar. Köydeşler körüşüvi – nesillerni birleştirgen ve ana topraqqa sevgi-sayğı aşlağan yahşı ananedir.