İstidatlı oca, qırımtatar naşırı ve tilşınası Mustafa Bekirov ömüriniñ 18 yılını lagerlerde keçirdi. Qırım pedagogika institutınıñ (1999-2014 seneleri V.İ. Vernadskiy adına TMU) rektorı vazifesinde bulunırken Qırım taqiqat organları tarafından uydurılğan aksinqilâbiy milletçi teşkilâtınıñ azalığında suçlana. Qırımtatar ziyalılarınen bir sırada Mustafa Bekirov da 12 yılğa üküm etile, soñra sürgün etile.
