Kezlevde yaşağan tarihçı, restavrator ve kollektsioner Aleksandr Difens çoq yıllardan berli eski şeylernen meraqlana. Aydalğan tarlalarda eski nesnelerni qıdırıp tapa. Eñ çoq tapqan şeyleri – quşaqlarnıñ detalleri, başlarıdır. Neticede restavrator qırımtatar quşaqlarını toplap başladı. Özüniñ aytqanına köre o, quşaqlarnı qısım-qısım, parça-parça cıyıp, yañıdan yasay. Usta 16-18 asırlarğa ait quşaqlarnıñ çeşitlerini ğayrıdan tikleyebilgen. Onıñ baş maqsadı – qırımtatar quşaqlarınıñ modellerini canlandırmaq ve quşaq taqılmasını kündelik adetke çevirmege alıştırmaqtır.
