Bugün nağışçı Halide Qıpçaqovanıñ doğğan künü. Onıñ acayip işleri, usulı, ustalığı ayrette qaldıra. Qırımtatar ananeviy nağış ustası, ocalarnıñ ocası, «Evciyar» icadiy birleşmesiniñ başı, «Stupen» nağış mektebiniñ ocası Halide Qıpçaqova 25 yıldan berli öz bilgi ve tecribesinen paylaşmaqta. Usta nağış sırlarını ögrettigi 500 şegirti ve çoqtan-çoq eserlerinen aqlı şekilde ğururlana.
