Zenaatı boyunca adliyeci, amma, göñül isteginen aşçı ve restorator Emil Aleyev endi 7 yıldan berli musafirlerni lezetli yemeklernen sevindirmekte. Avesini o, artıq zenaatqa çevirip, bu saada başarılı oldı. Emil bey sevimli işine bütün barlığınen berilip çalışa, seyahatları sayesinde yañı-yañı yemeklerni keşif ete. Onıñ fikirince, yemekni çoq et ve samimiy sevgi lezetli yapa.
