Ediye Mustafayeva: «Vatanda icat etmek büyük bahttır»

Ediye Mustafayevanıñ resimleri iç kimseni pervasız qaldırmay. Ressamlıq onıñ içün aqiqiy ömür tarzı. Er bir eseri ise adise ve teessüratlarnıñ tasviridir. Ediye hanımnıñ resimleri Qırımğa, medeniyetimiz ve tarihımızğa nisbeten büyük sevginen tolu. Ressam örneklerniñ sırını ögrenip, olarnı öz işinde qullana, böyleliknen öz usulını işlep çıqardı.