Ediye Ablayeva: Arzuları kerçekleşken yırcı

Qırımda nam qazanğan artist, qırımtatar halq türküleriniñ icracısı Ediye Ablayeva 65 yaşını qayd etmekte. «Qaytarma» ve «Qırım» ansamblleriniñ solisti ömüriniñ 28 yılını sana ve folklorğa bağışladı. Tabiattan güzel sesi onıñ icrasında yañğırağan halq yırlarına tekrarlanmaz bir tüs bağışlay. Bu yırlar sanki tuvğan Qırımğa sevgi ifadesidir.