Keçmi̇şni̇ araştirmaq zamani!

ÖMÜR|İNSANLAR|TASİL

DÜLBER VE ĞAYRETLİ ADILE EMIROVA

Filologiya ilimleri doktorı, Qırım akademiyasınıñ akademigi, Ukraina Yazıcıları milliy birliginiñ azası, Ukrainada nam qazanğan ilim ve tehnika erbabı, Qırımda hızmet köstergen tasil ve ilim hadimi, professor Adile Emirova – dünyaca meşur alimdir. O, rus filologiyası boyunca ilmiy işlerinen belli, aynı zamanda qırımtatar tilşınaslığına da salmaqlı isse qoştı. O, 300-ge yaqın ilmiy işler, monografiya ve kitaplarnıñ müellifidir. Bunıñ kibi de qırımtatar yazıcısı Cengiz Dağcı eserleriniñ de tercimanıdır. Bundan da ğayrı, Adile oca şiir ve ikâyeler de yaza. Er bir işini o, büyük aveslik ve sevgi ile becere.