Qırımtatar halqı milliy areketiniñ faal iştirakçisi Bekir Ümerov daa mektepte oquğan çağında siyasiy baqışları sebebinden mahsus organlarnıñ nezareti altına tüşti. Üykenlerniñ er kün kördigi areketinden ilhamlanğan Bekir sınıfdaşlarınen beraber küreşmege çağırğan vereqalarnı azırlap tarqattı. 1987 senesi ise o, Gorbaçövdan qırımtatar halqınıñ vekillerini qabul etmek talabınen açlıq ilân etti. 30 kün ve gece açlıq tutqan Bekir Ümerov yüzlernen qırımtatarlarnıñ Moskvada toplaşmasına siltem oldı.
