Qırımtatar avtokollektsioneri, nadir arabalarnıñ qıymetini bilgen Ayder Harhara elli yıldan berli eski arabalarnıñ tamirinen oğraşa. Endi 400-den ziyade avtomobilni tamirlegen. Aydavcı Ayder ağa eski arabalarnen taa balalığında meraqlanıp başlağan. Onıñ birinci işi — 1952 senesi çıqqan «Moskviç» arabasınıñ restavratsiyası oldı.16 yaşında usta bu eski arabanı kene areketke qoydı. Şundan itibaren bu iş onıñ hobbisine çevirildi. Bugünde-bugün Ayder ağanıñ garajında 9 raritet avtomobil bulunmaqta.
