İçki rayonınıñ Eski Kirleut ( Almaznoye) köyünde yaşağan Üriye Pipit artrogripoz hastalığınen doğdı. Doğğanından berli qız yigirmiden ziyade ameliyat keçirdi ve şu ameliyatlar sayesinde yaşamaq içün areketlerni ögrendi. Lafazan, hayatsever Üriye pek istidatlı. İmkânları pek sıñırlı olğanına baqmadan acayip resimler sıza. Fırçını ise ellerinen tutıp olamağanından tişleri arasına sıqıp çalışa. Üriye Pipit alemni renk-a-renk boyalarnen tasvirley ve kelecekte resim ocası olmaqnı arzu ete.
