Qadim zamanda qırımtatarlar musafirlerni nasıl qarşılağan-sıylağanlar? Biz bunı ancaq tasavur etebilirmiz, cümleden keçken asırlarda Qırımnı ziyaret etken seyahatçılarnıñ yazıp qaldırğan hatırlavları sayesinde. Meselâ, fransız Jilber Romm özüniñ «1786 senesi Qırımğa seyahat» kitabında Qarasuvbazarda yaşağan müfti evinde aqşam yemegini pek meraqlı şekilde tarif ete.
