«Bu yerde bir kereden añlaşıla ne sebepten er bir üskütlü tatar öz balalarına Qarasuvbazar yolunıñ tamirine belli bir miqdarda para sarf etmesini vasiyet etkeni. Ne qadar insan ve ayvan ğayıp oldı bu yolda? Ne qadar mal harap oldı?», – dep yazğan «Tuvaq ve Uskut: tatar köyleriniñ iqtisadiy talili» kitabınıñ müellifi A. Neruçev 1903 senesi. O zamandan soñ çoq şey deñişkeni yoq. Kök-Asan (yahut Alikot-Boğaz) aşırımından keçken Qarasuvbazar – Uskut yolu bugün de Qırımnıñ eñ dülber ve aynı zamanda eñ havflı yolu, dep sayıla.
