Qırımda köydeşler körüşüvleriniñ mevsimi başlandı. Birinci olıp mevsimni Bağçasaray rayonınıñ artıq ğayıp olğan Çerkez Kermen köyü sakinleri ve olarnıñ balaları başladı. Dereler içinde dülberden dülber köy 1944 senesiniñ sürgünliginden soñ boşaldı. Köyge sabıq Sovetler birliginiñ çeşit ülkelerinden köylülerni ketirip yerleştirdiler. Amma köy öyle de inkişaf etmedi, 1970-nci yıllarğa kelip Çerkez Kermen bozuldı.