Qırımnıñ cenübiy-ğarbiy tarafında Bağçasaray rayonındaki Belbek özeniniñ yalısında yerleşken Albat qasabası zengin tarih saibidir. Sürgünlikten evel qasabada 1300 can yaşağan, üç maalleniñ er birinde cami ve qırımtatar mektebi olğan. Yerli sakinler esasen tütüncilik ve bağçacılıqnen oğraşqanlar. Babasınıñ köyü Albatnıñ tarihını jurnalist Seyran İbraim mına endi 18 yıldan berli ögrenip kelmekte. Keçenlerde o, qasaba aqqında «Burun qaya eteginde Albat köyü» kitabını neşir etti.
