Zılqare Cepparova ve Abliyat Mennanov 61 yıl beraberler. Zılqare hanım 1938 senesi Qarasuvbazarda doğdı. Abliyat Mennanov ise 1935 senesi qomşu Çardaqlı köyünde doğğan. Biri-birinen olar ğurbette 1960 senesi tanış olğanlar. O yerge olar ana-babalarınen sürgün etilip, yaqınlarını ğayıp etkenler. Zılqare hanım babasız, Abliyat bey – anasız qalğan. Özbekistanda olarnıñ qorantaları Mırzaçölge tüşken. Anda er kün ayat-memat küreşi ketken. Qırımğa başta Zılqare bita balalarınen, ve tek 7 yıldan soñ Abliyat ağa qaytqan.
