Ankara universitetiniñ ocası Zuhal Yükselniñ tamırları Qırımdan. Balalıqta qart qartbabası aqqında çoq tarif ete ediler. Potatlı şeerinde yaşağan qart qartbabası ölümden bir qaç kün evel balalarına onı Qırımğa alıp ketmelerini vasiyet etti. Elbette, bu imkânısız edi. O vaqıt oğlu qartnı sırtına mindirip, Qırımğa ketemiz dep, şeerniñ başqa tarafına alıp kezdirdi. Aqraba ve qomşular özara añlaşıp, Qırımdan «qaytqan» qartnı yoqlamağa kelgenler. Dede ise olarğa Qırımdan «haberler» ikâye etken. Qırım muacirleriniñ çekken asreti Zuhal Yükselge Vatanını candan sevip, oña fayda ketirmege ögretti.
