1944 s. halqımıznıñ bir qısımı Perm vilâyetine sürgün etildi. Ğurbetlikte, birinci künlerden başlap, vatandaşlarımız ağır işlerde çalışa ediler, bu cümleden, Solikamsk şeerinde yerleşken tsellüloza-kâğıt kombinatında faaliyet kösterdiler. İşhаne alâ daa çalışa, onıñ terkibinde müzey de bar. Müzeyde sürgün etilgen insanlarnıñ, hususan, qırımtatarlarnıñ şahsiy şeyleri buluna.
Levha 2019 s. Zera Bekirovanıñ malzemeleri esasında azırlanğan edi.
