Tarih ilimleri doktorı Janna Kıdıralina — Qazahstannıñ siyasiy repressiya qurbanlarını aqlav boyunca komissiyanıñ azasıdır. O, çoq yıllardan berli basqığa oğratılğan halqlarnıñ, şu cümleden qırımtatarlarnıñ tarihını mahsus hızmetlerniñ açılğan arhivlerinde araştıra. Kıdıralina — Qazahstanda sürgün etilgen qırımtatarlarnıñ da taliyi tarif etilgen bir sıra maqale ve monografiyalarnıñ müellifidir.
