İsmail Otar – diasporağa qırımtatar alemini açqan insan

«Ataĭdan qalğan bizge etli, maĭlı qamur aş, Köbetemen qatlama, laqşa, cantıq, tataraş» Meşur «Çiborek» şiiri şu satırlardan başlana. Onıñ müellifi Türkiyeniñ Bursa şeerinde, Qırım muacirleriniñ ailesinde doğğan, tamırlarını iç bir zaman unutmağan ve dünyanıñ çeşit ülkelerinde yaşağan qırımtatarlarğa da unuttırmağan İsmail Otardır. Onıñ hayatı — Vatanğa sevgi ve sadaqat örnegidir.