Keçmi̇şni̇ araştirmaq zamani!

ÖMÜR|DİASPORA

Eskişehir – qırımtatar müitini yaşatqan türk şeeri

Özüñni Qırımda kibi is etmek içün, Türkiyeniñ Eskişehir şeerine barmaq kerek. Şeer soqaqlarında qırımtatar tili yañğıray, aman-aman er bir qavehanede müşterilerge çiberek ve tatar aş yemekleri teklif etile. Bundan da ğayrı, şeer memuriyetleri yolbaşçılarından biri – qırımtatarıdır. 150 yıl evel, qırımtatar muacirleriniñ ekseriyeti tamam bu şeerde temel qoydı. Bu sebepten, şeerde eñ büyük qırımtatar diasporası yaşay dep aytsaq, yañlışmamız.