Eldar Şakarân — ermeni soyadını taşığan adlı-sanlı qırımtatarı

Poltava şeerinde 84 yaşlı Eldar Sergeyeviç Şakarân – Parpetov ve Bulgakovlar eki qırımtatar sanlı sülâleniñ vekili yaşay. Eldar bey kiçik olğanda ana-babasız qaldı. Onı ermeni Sergey Şakarân ve onıñ apayı Aliye hanım terbiyelediler. Eldar beyniñ balalığı Azerbaycanda keçti, soñra Ermenistanda da yaşadı, şimdi ise Ukrainada Poltava şeerinde yaşay. Lâkin ömür boyu onıñ Qırımnen büyük ve qaviy bağı bar.