Bursa qırımtatar dernegi Türkiyedeki qırımtatar cemiyetleri arasında eñ faal çalışqan derneklerden biridir. Mezkür dernek 1988 senesi açıldı. Meydanğa kelgeninden berli dernek qırımtatar tili kursalarını alıp bara, oyun ve yır meşğuliyetlerini keçire. Bursa qırımtatar dernegi Qırımdan Türkiyege oqumağa kelgen gençlerge destek bere, Qırımnıñ özünde ise dernek cami qurdı, er sene Qurban bayramı künlerinde qurban çala.
