«Zaman zaman ekende» – balalar içün yañı masal cıyıntığı

Kiçkeneler içün acayip bir haber! «Armançıq» teşkilâtı qırımtatar tilinde yañı, renkli «Zaman zaman ekende» masal cıyıntığını neşir etti. Cıyıntıq qırımtatar halq ve müellif masalları, bunın kibi de dünya halqlarınıñ qırımtatar tiline tercime etilgen 40 masaldan tertip etildi. Kitapqa öriginal ve dülber resimlerni ressam Zera Akim yaptı. «Zaman zaman ekende» em balalar ve em de büyükler içün meraqlı olur.
Cıyıntıq Rusiye Raqamlı inkişaf, alâqa ve kütleviy haber vastaları nazirliginiñ qoltutuvında dünya yüzüni kördi.