Qırımda oquv yılı başlandı. Birinci sınıf talebeleri içün o mektep ömürine ilk adımlarnı qayd ete, yañı bilgiler ve yañı tanışlıqlar ketire. Mezunlar içün bu imtianlardan evelki soñ yıl ve kelecek yolnı seçip almaqtır. Bu kün Aqmescitte Eşref Şemi-Zade adına 42-nci mektebi içün ayrıca emiyetlidir: anda sekiz birinci sınıfı açıldı, olardan üçünde dersler qırımtatar tilinde alıp barılacaq.
