Ayder Memetovnıñ qırımtatar tili dersleri

İnternet ve içtimaiy ağlarnı hayırlı işlerde qullanmaq mümkün ve zarur. 12 yaşında Ayder Memetov tıpqı böyle yapa. Özüniñ YouTube-kanalında ve Instagramdaki blogında qırımtatar tili derslerini alıp bara. Öz derslerinde o, laqırdıda kerek olğan söz ve ibarelerni ögrenmekni teklif ete. Bundan da ğayrı, genç bloger programmalar işlevnen oğraşıp, informatsion tehnologiyalar yarışında ğalebe qazana.