Qırım paytahtında belli ressam, ART RESIM studiyasınıñ tesiçisi Madina Abdullayeva şegirtleri resimleriniñ sergisi açıldı. Onda 3,5 yaşından 12 yaşınace balalar sızğan 100-den ziyare resim taqdim etildi, bir qaç resimniñ müellifi ihtiyar insanlardır. Bir çoq seyirci iştirakinde olıp keçken sergi aqiqiy icat bayramına çevirildi. Bu açıq, dülber resimlerni belli ressam Madina Abdlullayeva reberlik etken ART RESIM studiyasınıñ genç ressamları sızdılar. Öz şegirtleriniñ birinci sergisini Madina hanım kontsert programması, sertifikatlar taqdim etüv, animatorlar, mukâfatlar ile tantanalı şekilde keçirip, aqiqiy bir bayram teşkil etti.
Aqmescitte ART RESIM studiyası genç ressamlarınıñ sergisi açıldı
