Meraqlı meşğuliyetler, şeñ oyunlar, şiir ve yırlar – bütün bular Bağçasaraydaki «Alem» studiyasında. Bu yerde qırımtatar dersleri berile, aynı zamanda ingliz tili ögretile, esap dersleri alıp barıla ve eñ kiçik talebeler içün mektepke azırlav dersleri keçirilmekte. «Alem» – pedagog Diana Mamutovanıñ ğayesi ve teşebbüsidir. Keçken yılı ana-babalar qoltutuvında o, bu studiyanı açtı.
