Er yıllıq merametlik ve nur ananesi «Alem» etnik restoranında devam etti, anda kene de ayrıca ihtiyacları olğan balalar içün unutılmaz bayram keçirildi. Bütün Qırımdan çeşit diagnozlı 50-den ziyade bala ve olarnıñ ana-babaları keldi. Musafirler canlı eglendiricilerden, belli artistlerniñ ve istidatlı bala oyun kollektivleriniñ çıqışları, meraqlı ustalıq dersleri, cümert bahşışlardan, lezetli aş ve tatlılar bolluğından zevq aldılar. Sponsorlar ve teşkilâtçılarnıñ destegi sayesinde bu kün er bir bala içün unutılmaz bir vaqia oldı.