Doğma Yuqarı Qaralez, Büyük Qaralez ve Hoca-Salalılar er yılı keçirilgen köydeşler körüşüvine Manğup etegindeki Kervan-Saray etno kafesinde toplaştılar. Ananege çevirilgen köydeşler körüşüvleri bu yerlerde 90-ncı yıllarnıñ başında qırımtatarlar öz yurtuna qaytıp başlağandan berli keçirilmekte. Bu köylerde doğğanlar, olarnıñ bala ve torunları ecdatlar ruhuna dua oqumaq, hatırlavlarnen paylaşmaq, öseyatqan nesilge vatan sevgisini aşlamaq niyetinde körüşeler.
