Sudaq civarındaki dülber köylerden biri Ay-Serezdir. 1945 senesi köyniñ adı Mejdureçye, dep deñiştirildi. Sürgünlikten evel köyde bir buçuq biñden ziyade can yaşağan. Köy ealisiniñ esas qısmı qırımtatarlar olğan. Köyde 2 cami, mektep, bala bağçası, 15 çeşme çalışqan. Köy etrafındaki yüksek dağ ve qayalar manzaranı daa ziyade dülberleştirgen. Köy öz sakinleri içün qudret noqtası olğan. Köyden uzaqlarda doğğan yañı nesilge sevgi ise qartlarnıñ ikâyelerinden aşlanğan.
