Er yılı avgustnıñ birinci bazar künü Sudaq civarındaki Vorun köyüniñ sakinleri ve olarnıñ bala-torunları körüşüvge toplaşalar. Sürgünlikten qaytqan vorunlılar Qırım boylap dağılıştılar, şunıñ içün de doğğan köylerindeki körüşüv olar içün aqiqiy bayramdır. Mında olar keçmişten qalğan acayip ikâyelernen paylaşa, biri-biriniñ bala-torunlarını tanıştıralar.
