Statistikağa köre Sovetler Birligi Qaramanı unvanına taqdim etilgenlerniñ 70% bu unvannı aldı. Ancaq qırımtatarlarğa kelgende bu statistika çalışmay. Sebebi — cinaiy sürgünliktedir. 6 nefer qırımtatar Sovetler Birligi Qaramanınıñ adı bellidir. Bu yüksek unvanğa taqdim etilgenlerniñ sayısına köre böyle medaller çoqça olmaq kerek edi. Bu aqta bizge tarihçı, sotsiologiya ilimleri namzeti, «Qırımtatarlar Ulu vatan cenkinde» monografiyasınıñ müellifi Refik Qurtseitov tarif etti.