«Qırımnı balaban bir tamğalar müzeyi, demek mümkün», – dep yazğan Osman Aqçoqraqlı özüniñ 1926 senesi çıqqan «Qırımda tatar tamğaları» kitabında. Kitap çıqmazdan bir yıl evel Aqçoqraqlı Asan Refatov, Üsein Bodaninskiy ve daa bir qaç studentlernen beraber yarımada böylep etnografik seferge çıqalar ve 400-den ziyade sırlı tamğalarnı tapıp, yazıp alalar. Qırımtatar tamğaları nelerni tarif etebilirler? Tamğalar qayerde qullanılğan? Aqçoqraqlı bu aqta nelerni yazğan eken?