Merhumnıñ vefatından belli bir müddet keçken soñ musulmanlar qabirine onıñ adı, doğğan yeri, doğğan ve ölgen vaqtı yazılğan baştaş qoyula. Bazı baştaşlarda bu bilgilerden ğayrı eki ya da dört satırdan ibaret baştaş yazıları yani kitabeler de ola. Kitabeler tarihiy ceetten halqnıñ tili, folklorı, psihologiyası boyunca qıymetli, malümat taşıylar. Levha azırlanılğanda Enver Özenbaşlınıñ «Epitafii krımtsev» (Qırımlarnıñ kitabeleri) kitabından faydalanıldı.
