İngliz tabiatşınası, mineralog ve dindar Edvard Deniel Klark (1769 – 1822) Avropa, Asiya ve Afrikanıñ bir çoq memleketlerini ziyaret etken. 1800 senesi Qırımğa da kelgen. Mezkür seferi aqqında o, tafsilâtlı qaydlar qaldırğan. Bu yazılarda o, yerli aşeratlarnı tarif etmeknen bir sırada meraqlı etnografik qaydlar ve Qırım şeerleriniñ tarifini ketire. Cümleden, Klark o devir seyahatçılarınıñ diqqatından kenarda qalğan qırımlı çingeneler aqqında da yaza.
