Qırım seyahatçılarnıñ közlerinen: şahzade Şarl-Jozef de Linniñ şarq masalı

Avstriyalı Şarl-Jozef de fransız Maarifiniñ parlaq vekillerinden biridir. İstidatlı edip, söz ustası öz deviriniñ belli insanlarınen tanış olğan. Onıñ dostları ve arqadaşları arasında Rusiye çariçesi Yekaterina II de bar eken. De Lin çariçeniñ 1787 senesi yapqan meşur «Tavriya seferi»nde onı ozğarıp barğan çetelli insanlardan biri olğan. Soñra çariçeden Partenit, Kuçuk Lambat ve Nikita kirgen «Parfenitsı» malikanesini bahşış olaraq almağa muvafaq olğan. Linniñ 1787 seferine dair hatırlavları onıñ «Markiza de Kuanige mektüpler»inde de yer aldı. Bu mektüpler sanki sefer devamında yazılğan, amma asılında müellifniñ yarı kerçek, yarı uydurma hayallarından başqa bir şey degil. Er alda, bu eser Qırımnıñ fransız medeniyeti tarafından tasavur etilmesini belgiledi. Yarımada nasıldır «rus Elhamrası» olaraq qabul etildi.
N. Hrapunovnıñ «Qırım şahzade de Linniñ tasavurında» maqalesinden qullanıldı.