«Men 9 ay anda yaşadım, amma iç bir kere iç bir cinayet aqqında eşitmedim, iç kimse qanunnı bozmay, kimse-kimseni çaqmay, duşmanğa zarar ketirmek içün iftira-öşek de etmey», – dep yazğan 1578 s. poloniyalı elçi Martin Bronövskiy. Bronövskiy Qırım hanlığı aqqında qaydlarını yazıp qaldırğan ilk avropalı adam olğan. Poloniyanıñ qıralı Stefan Batoriyniñ avalesinen Qırımnıñ padişası Mehmed II Gerayğa yol ala. Qırım hanlığı ve Reç Pospolitaya arasında barışıq muqavelesi imzalanmasında Bronövskiyniñ issesi büyüktir. Andan qaytqan soñ yazğan «Tatarlıqnıñ tarifi» (Tartariae descriptio) –ecdatlarımıznıñ XVI asırda yaşayışına dair qıymetli bir eserdir.
