«Qırımda tatar boyundırığı astındaki hristianlarnıñ zavallı vaziyeti aqqında uydurmaları seyaatçılar ve hristan digni tarafdarlarınıñ duyğularını qıtıqlamağa tırışqanlar», — dep yaza XIX asırnıñ ortalarında tarihçı Feoktist Hartahay. Qırım hanlığına diniy tolerantlıq has olğanı tasdıqlanğan bir fakttır; Hristian monastırleri ve kilseleri hanlarnıñ qorçalavından faydalanmaqnen bir sırada olardan maddiy yardım da alğanlar. Hanlıq devrine ait olğan bazı hristian ibadet yerleri bu künge qadar saqlanıp qaldı.