Keçken levhamızda tarif ettigimiz Qadı Maalle Camisiniñ azbarında 15,61×8,35 metr köleminde tekkiye binası tura. Pencereleri qalanğan. Bir zamanda sufiyler tekiyesi olğan bu binada bugün avtotamirhane çalışmaqta. Tahminlerge köre Evliya Çelebi özüniñ Seyahatnamesinde Aqmescitteki Halvetiy tariqatına ait üç ibadethane sırasında aynı şu tekiyeni de közde tutqan.