Onıñ babası bu evlilikke iç razı degil edi: qızı zengin aileden, aqay ise Bağçasaray şeer golovası olsa da adiy bir yazıcı. Qızını parlaq kelecek beklemekte, aqay ise endi evalenip ayırılmağa da yetiştirgen. Bu – İsmail Gasprinskiy ve Zuhra Akçurinanıñ sevgi ikâyesidir. Babasınıñ narazılığına baqmadan qız qocağa çıqa, Qırımğa köçe ve o devirniñ eñ nufuzlı qadınlarından biri ola.
Levha A. Mahmutovanıñ «Bizge de üriyet tañını qarşılamaq zamanı keldi» («Пора и нам зажечь зарю свободы») kitabındaki malzemeler esasında azırlanıldı.
