Qırımtatarlar ana yurtuna qaytqan soñ Hansaray müzeyiniñ birinci müdiri Server Ebubekirov 2023 senesiniñ yazında vefat etti. Bir qaç tilni, Qırım ve öz halqınıñ tarihını mükemmel bilgen büyük alim — Server Ebubekirovnı böyle hatırlaylar. Onıñ areketleri sayesinde 90-ncı yıllarda İsmail Gasprinskiyniñ müzeyi ğayrıdan açıldı, Zıncırlı-medrese ve diger müim tarihiy nesneler restavratsiya yapıldı.
