Bu yıl Seitümer Emin doğğanına 100 yıl toldı. Seitümer Emin em qırımtatar, em rus tilinde birdayın küçlü yazğan şair. Onıñ yaqınları ve dostları onı açıq yürekli insan olaraq hatırlaylar. Cenk, sürgünlik, halqnı Qırımğa qaytaruv küreşini körip keçirgen bu insan hayatsever bir romantik olıp qalğan. Şairniñ qızı Vetana Eminovanıñ hatırasında babası ille böyledir. Babasınıñ yubileyi künlerinde o, Seitümer ağanıñ doğğan köyü Albatta bulunıp, babası aqqında hatırlavlarınen paylaştı.
