Kendilerini faqat dinge hızmet etüvnen sıñırlanmadan, bir çoq qullanmalar da yazıp qaldırğan qırımtatar ülemalarnıñ adlarını tarih saqlap kelmekte. Böyle alimlerden biri Tatar Şeyhi adınen belli – İbrahim Al-Qırımidir. O, Devlet Geray hannıñ mesleatçısı ve oğlu Ğazı Geraynıñ ustazı olğan. Alimniñ arap tilinde yazğan meşur eseri Türkiyeniñ milliy kütüphanesinde bulunmaqta.
