Osman Aqçoqraqlı tamğalarnı açıq kitap kibi oquğan: 1925 senesi etnografik ekspeditsiya vaqtında 400-den ziyade soy timsallerini topladı. Asan Refatovnen beraber «Çora batır» adlı birinci qırımtatar operasınıñ librettosını da azırladı. Bakuda ötkerilgen Birinci türkşınaslıq Qurultayında iştirak etti. Jurnalist, pedagog, tedqiqatçı, siyasetçi – Aqçoqraqlı öz deviriniñ eñ aqıllı insanlarından biri edi. Stalin repressiyalarına oğratıldı.
