Lütfi Özkok – qırımtatar asıllı dünyaca meşur fotograftır. Onıñ ecdatları Qırımdan başta Romaniyağa, soñra Türkiyege icret etkenler. Özkok pek çoq belli yazıcı ve şairlerniñ, şu cümleden Nobel mukâfatı saipleriniñ de, fotolarını çekti. Onıñ fotolarını «New York Times», «World Literature Today» ve diger neşirlerniñ cıltında körmek mümkün. Ömüriniñ esas qısmını İsveçte keçirgen Lütfi Özkok 2017 senesi vefat etti.
