Kiçik leytenant Fetta Vefayevniñ adı 2021 senesi mayıs 9 künü Leningrad vilâyetindeki qardaşlıq mezarlığında ebediyleştirildi. Amma bundan evel cenkçiniñ torunı Susanna Aliyeva ekinci dünya cenkinde bellisiz ğayıp olğan qartbabasını 5 yıl qıdırdı. Çoq soraştıruv-muracaatları neticesinde qartbabasınıñ taqdiri aqqında malümat aldı. Fetta Vefayev 1941 senesi cenkke adiy asker olaraq seferber etilgen. Bir yıldan soñ leytenant olıp, başta vzvod, soñra– 147 oqçılar diviziyasınıñ polkına komandanlıq etken. Çarpışmalarnıñ birinde Fetta Vefayev ağır yaralanıp, Leningrad gospitaline tüşe ve anda 1943 senesi vefat ete. Aradan 78 yıl keçken soñ cenkçi torunınıñ areketleri sayesinde onıñ adı mezarlıqtaki baştaşta yazıldı. Araştıruv ise qartbabasınıñ elinen yazılı bir fotresimden başlandı
Leytenant Fetta Vefayevniñ adı Leningradnıñ Kirov rayonında ebediyleştirildi
